ваш сайт
лучший сайт где можно скачать шаблоны для dle 12.0 бесплатно
EREVAN.TV » ENEWS » Մակրոնն ու Թրյուդոն բռնում են Կուրցի ձեռքն ու գալիս Հայաստան, ահա քեզ դաշինք

TV SERIES


Մակրոնն ու Թրյուդոն բռնում են Կուրցի ձեռքն ու գալիս Հայաստան, ահա քեզ դաշինք



Վիեննայում տեղի ունեցած ահաբեկությունից հետո Ավստրիայի երիտասարդ կանցլեր Սեբաստիան Կուրցը Եվրոպային կոչ էր արել ստեղծել հակաահաբեկչական դաշինք: Ու՞մ է կոնկրետ հասցեագրված երիտասարդ Կուրցի կոչը, այդքան էլ պարզ չէ, կամ պարզ է այնքանով, որքանով պարզ է, թե ինչ է Եվրոպան, առնվազն քաղաքական կամ ռազմա-քաղաքական իմաստով: Իսկ թե ինչ է Եվրոպան ռազմա-քաղաքական իմաստով՝ պարզ չէ: Օրինակ, ինչ է Էրդողանը, որ Եվրոպայի վրա մատ է թափ տալիս եւ արդեն անգամ ոտք սրբում, պարզ է, իսկ թե ինչ է Եվրոպան…
Հետեւաբար պարզ չէ, թե ում է հակաահաբեկչական դաշինք ստեղծելու կոչ անում Ավստրիայի երիտասարդ վարչապետը: Որովհետեւ, մինչ նա անում է այդ կոչերը, եվրոպացիներին սեփական փողոցներում հանգիստ քայլել թույլ չտալու սպառնալիք հնչեցնող թուրքը խոսքից արդեն վաղուց անցել է գործի:
Հետեւաբար, այստեղ է նաեւ բանաձեւը, թե ինչ է Եվրոպան: Եվրոպան այն է, որը խոսքից կանցնի գործի: Կամ Եվրոպան նրանք են, որոնք խոսքից կանցնեն գործի: Ընդ որում, Եվրոպան այստեղ գուցե ստանում է արդեն որոշակիորեն այլ ձեւաչափ, այն իմաստով, որ ռազմա-քաղաքական եւ աշխարհագրական Եվրոպաները դառնում են տարբեր: Եվ այստեղ է թերեւս եվրոպական անվտանգության առանցքային բանաձեւը: Եվրոպան չունի աշխարհագրական անվտանգություն, ըստ այդմ անվտանգ լինելու համար Եվրոպան պետք է առաջնորդվի ռազմա-քաղաքական, ոչ թե աշխարհագրական չափումներով ու սահմանագծումներով:
Ահա այստեղ է նաեւ Երեւանի ու Ստեփանակերտի հայտարարությունների, միջազգային հանրությանը հակաահաբեկչական կոալիցիա ստեղծելու կոչի տրամաբանությունը, որ հնչել է Ստեփանակերտից: Դաշինքի անհրաժեշտությունը, որ առաջարկում է Եվրոպային Սեբաստիան Կուրցը, դեռեւս մեկ ամիս առաջ բարձրաձայնել է թուրք-ահաբեկչական գրոհի ենթարկված Արցախի նախագահը:
Կուրցին պետք չէ դաշինք ստեղծել, պետք է միանալ դաշինքին՝ հայ ժողովրդի եւ հայկական բանակի «դաշինքին», որը պայքարում է ահաբեկության դեմ Եվրոպայի ռազմա-քաղաքական առաջնագծում: Մինչ Եվրոպայի երիտասարդ առաջնորդները քննարկում են, թե ինչ անել: Ֆրանսիայի նախագահ Մակրոնը Կանադայի երիտասարդ վարչապետ Թրյուդոյի հետ քննարկել է իրավիճակն Արցախում, ինչպես հայտնել է Կանադայի վարչապետի մամուլի ծառայությունը: Թե ինչ են քննարկել, մանրամասները հայտնի չեն:
Եվ թերեւս կարեւոր էլ չեն, որովհետեւ խնդիրը շատ պարզ է՝ խոսքից անցնել գործի: Իսկ դրա համար, եթե Ֆրանսիայի նախագահը զանգահարում է Կանադայի վարչապետին, ապա թերեւս դա կարող է իմաստավորել մի նպատակ՝ Թրյուդոյի հետ բռնել Կուրցի ձեռքն ու նստել Հայաստան եկող օդանավը:

Новые фильмы

Новые Мультфильмы

Մակրոնն ու Թրյուդոն բռնում են Կուրցի ձեռքն ու գալիս Հայաստան, ահա քեզ դաշինք » EREVAN.TV